poesie di pietro olivadoti


     
STA` VITA U MARA DA SVIZZARA Fhesta e Santantuoni
     
Ma chi vita e` chista cca`
nta` nu paisa cuomu chistu,
fhatighi notta e juornu
e ti cumbini cuomu cristu.

Unu nescia e lestu criscia
vacia a` scola e pua sordatu,
lindunija da chiazza a` villa
ed e` sempa disoccupatu.

Quandu ncigna a fhatigara
idhu penza su`sarvatu,
si trova na cumpagna
e finalmenta e`sistematu.

Ma si riescia u phiggia u postu
aiutatu e ncunu amicu
si renda tantu superviu`
chi non vi dicu.

ma nessunu u capisciu`
ca: postu o senza postu,
tutti quanti ammu morimu
poviri e ricchi nto'`paisa nuastru

Io mai potia penzara
ca pemmu vai a` svizzera
avia u` si passa u mara.

Nu mara e chiantu
chi mammi nuastri
jettanu ogne tantu.

U jettanu a stagiona
chi fhigghiuali arrivanu
cu cua` machina e cui a` staziona.

Cui a natala muortu e friddu,
aspetta avanzi a`porta
pemmu arriva u`fhigghiu.

E quandu u`spetta a`la curva
vestutu e nigru e torniatu e gienti,
do chiantu e do dolura on senta nenta.

E`veru ca senza sordi on sinda dinnu missi
ma chidhi chi stannu trentanni a`Svizzera
sulu po lussu sugnu fissi.

Nui chi stamu cca`
e`veru nda jettamu puru chianti
pecchi` nce' cu ni paga puocu e cui e nenta.
Pe la fhesta e Santantuoni
a` la chiazza Matteotti,
s`organizza nu concorsu
ca si vuonnu, vannu tutti.

Giuvani, viecchi, maritati,
studentessi, signorini,
guagliuni e disoccupati
ca`veniti e partecipati.

Si po`cantara o ballara
o na prosa recitara,
nu strumentu pua sonara
nu cunturiedhu pua cuntara

N`zina u dieci e Majiu
sugnu apierti l`iscrizioni,
na fhesseria vui pagati
e pe na sira vi scialati

     
     
PROVERBI PORTO RHOCA I ditti e l`antichi
     
Si tta pigghi cu zappuna
campa idha e muari tuna.
Si tta pigghi cu a fhatiga
muari tuna e campa idha.

A ccetta e u curtiedhu
fhannu l'arvuru biedhu.

A signorina chi va all'acqua nova'
si on ava u zitu si lu trova.

S'e prena fhigghia, sinno`
diavulu u sa pigghia.

Mi mandau u petruna u mi fhazzu
li ligna e fhagu e de carigghiu,
comu i vijiu mu mi pigghiu,
e si arriva lu guardianu
u m` aiuta mi cacciu a lu chianu.

Portu Rhoca, portu Rhoca ti chiamaru
ma chi nomu ti mentiru,
pua girara a manca e a destra
ma stu puortu cca` non nc`esta.

A`cibbiola mi cuntaru
anni arriedi si zappava,
tanta genta fhatigava
e luntanu appeda s`arrivava.

Mo`fhacimu stu villaggiu
pemmu venunu i turisti,
e Roma, Milanu,Palermu e Riggiu
e si mentunu belli in vista.

nce' u campu e tennis e a piscina
fhiuri belli e tanti pini,
erva vascia e olivari
olendri e tanti jordini.

Mona scrissi sa poesia
si vi piacia a' lejiti,
e si no`na disprezzati
pecchi io non su poeta.
E notala a`capudannu
sia juarni ndannu.

Caru cumpara viani ca ti mbitu
tu porta la carna ca io mientu lu spitu,
porta lu vinu ca u mio e`ocitu
porta lu pana ca u mio e` mucatu.

Cu ava puocu sordi sempa cunta,
e cu assai ndava sempa canta.

Panza china canta
e no'cammisa janca.

Ammucciati donna chidhu chi ti penda,
ca u'fhigghiu do re nda propenda.

Surdu chi o'respunda
a`viva vucia,
e`signu ca`u`discurzu
no`li piacia.

E` inutila ca ti muavi e ca t`allisci
ca u cuntu ca fhacisti on ta rinescia
     
     
Jiornata e l`abbrigaziona L 'Italia ruvinata I tiempi e mo`
     
Cumpa` mu dati u votu?
L`abbrigaziona resta a mia.
Cumpa`mu dati u votu?
L`abbrigaziona resta a mia.

Pe corantanni a`stessa canzuna
ti cercanu i voti pe chistu e chidhu,
e porta a porta on da dassanu ncuna
fhurnuti i votazioni on si vida nudhu.

Mo`u sia fhannu a fhesta
cu l`amici e Catanzaru,
puru u viscuvu vena u benadicia
datu ca l`atri vuati e rrobba u carricaru.

A' fhesta e l`agricoltura
a chiamaru chissi dhuocu,
ma fhora on jirumaj
e da terra nda sannu puocu.

A' verita`e n`atra cari amici
ca prepararu á lista pe votazioni,
cu i nomi do sindacu e assessori
e vi chiamanu pe n'atra abbrigaziona.

Si hai ncunu luntanu
e vua mi fhai na telefhonata,
ne pua mancu dira cuomu stai
ca a`lu pagamentu arriva a stangata.

Si ti schiacchi e vai o' spitala
u ti medicannu o n`operaziona,
portati u portafhuogghiu a manticia
sinno`ti sbattunu fhora da seziona.

A lucia, a spazzatura e l`acqua
e`tutta rrobba chi custa,
no pua ne lavara o cucinara
sinno`ammu dassi a'mbusta.

Non parramu e pua e panni e de mangiara
ti dinnu c`aumentau l`iva,
ti mustranu a bulletta
ma a genta mancu a' fhina do misa arriva.
Sta pinna vo`mu scriva cuasi veri
pecchi`cua vucca onsi puannu cuntara,
nta`vita nc`esù tanti cuasi stuarti
ca non si puannu sumportara.

Pigghiamu per esempiu i tiempi e mona
ca i gienti no si salutanu pa strata,
si na perzuna stacia menza bona
si scorda de parienti e da rugata.

Volendu u fhai u superviu
ognunu o`juornu d`ojia u poria fhara,
s`accatta na giacchetta nova
iza u frunta e no pua parrara.

Ma a vita on e`fatta sulu cu a giacchetta
a`machina, i sordi e a casa randa,
nce su cuasi assai importanti
ca ni rachamu tutti quanti.

Nce sugnu i genitori o`primu postu
ca si ruppiru a schina viernu e stagiona,
mu criscianu a nnui mienzi buani
emigrandu e cu zappuna.
     
     
Carnalavara L`amura I ditti e l`antichi
     
Carnalavara mio tu si malatu
non sacciu a qualu santu mu ti vutu,
ti vutu a chidhu santu e suveratu
mu ti lu fhannu buonu lu tambutu.
Carnalavara fha`pe li cuntienti
pe quava carna assai e puocu mangianti,
e io povariedhu chi non haiu nenta
apparu de lu sula mi curcai.

Domana parta la fhelicia parma,
parta e sinda va`,pe la strania,
ò marinari chi vi la mbarcati
li strazzi non li fhati pe la via,
ogne funtana mu la rifriscati
nommu li para luntana la via,
all`ottu jiorni iru li so frati
soru comu ti pari la strania,
mi para comu l`altri maritati
pigghiai possessu de la casa mia.
L`amura e` cuomu u zuccuru
dicia nu grand'attore,
e quandu dui s`accucchianu
si spampina lu cora.

L`amura a prima vista
chi sboccia a mienzu nenta
a genta ceca e l`uocchi
e perda u sentimientu.

A villa e`sempa china
e cucchi e nnammurati,
e quandu no ta spietti
arrivanu i mazzati.

Si dui si vuonnu bena
vena puru l`amura,
pero`annu u si sumportanu
e pe cent`anni dura.
La fhimmina e`nimica de la pacia
ca pe castigu e l `uamu dio la fhicia,
fhila,tessa e chiacchiri ti fhacia
quandu a tuacchi lampu mu la vruscia
ti tingia cuamu la picia.
     
     
     
U scuarnu Ti Amo da morire  
     
Chi ruvina: no nc`e lavoru
mo m`ammazzu cu i fhigghi puru.

Carceratu niesciu fhora
randi e picciuli cu mora , mora.

A`mugghiera i fha i corna
mora a mamma e u fhigghiu mancu torna

Fhacimu na corsa cu motorinu
e vola u` picciulu e supa u sellinu.

U primu fhu Erode ca pe dispiettu
ammazzau chidhi fhigghi e mamma e supa u piettu

Quandu Dio ni criau dissa ca simu innocenta
e allora pecchi`i tribunali de randi ni cundannanu senza nenta?

Si sentunu petruni u fhannu chidhu chi vuannu
violentanu e ammazzanu senza scuarnu.
Se penso a tanto lontano
quando mi prendevi per la mano
le gite fatte in riva al mare
e nessun`altro mi poteva guardare.

Gli abbracci, le carezze e tanti baci
gli sguardi con gli occhi vivaci,
i segreti nascosti perfino alla mamma
e nessuno sapeva di questa nostra fiamma.

Adesso invece dello sguardo
usi i pugni con riguardo,
le mani al collo vuoi tenere
pero`non stringere per piacere.

Le chiamate che mi fai
sotto, sotto c`e qualcosa e tu lo sai,
le minacce che tu neghi
e mi segui in tanti luoghi.

Quello che c`e dopo
non lo sento neanche un poco,
son leggera e vestita di bianco
e solo un p`o di rosso su di un fianco.